Elena Rybakına Qytaıdaǵy iri jarystyń shırek fınalyna ótti

ASTANA. KAZINFORM — Qazaqstannyń birinshi, álemniń 9-raketkasy Elena Rybakına Nınbo (Qytaı) WTA 500 týrnıriniń shırek fınalyna shyqty. 

Qazaqstandyq tennısshi ekinshi aınalymda álemniń 30-raketkasy, ýkraınalyq Daıana ıAstremskaıamen oınady.

Qarsylastar osyǵan deıin ózara eki ret kezdesip, onda Rybakına basym túsken edi.

Bul joly asa tartysty ótken matchta Elena Rybakına tarazy basyn ózine aýdara bildi — 6:4, 6:7 (6:8), 6:3.

Eki saǵat 51 mınýtqa sozylǵan básekede Rybakına 10 eıspen birge 12 breık-poınttyń beseýin óz esebine jazdy. ıAstremskaıa 8 eıs, 3 breıkpen (7 breık-poınt) kózge tústi.

Elena Rybakına jartylaı fınalǵa shyǵý úshin reıtıngide 104-oryndaǵy aýstralııalyq Aıla Tomlıanovıchpen talasady. 

Bul dodanyń Elena Rybakına úshin mańyzdylyǵy sol, WTA chempıondyq kestesinde úzdik segizdikke kirgen tennısshiler jyldyń qorytyndy týrnırine joldama alady. Qazirgi kezde qazaqstandyq sportshy chempıondyq kestede 9-orynda tur. 

Osy rette joldamadan úmitkerlerdiń biri, álemniń 6-raketkasy, reseılik Mırra Andreeva ekinshi aınalymda kútpegen jerden reıtıngide 219-satydaǵy qytaılyq Chjý Lınnan 6:4, 3:6, 2:6 esebimen jeńilip qaldy. 

Chempıondyq kestede Elena Rybakınanyń aldynda, 8-satyda turǵan ıtalııalyq Jasmın Paolını reseılik Veronıka Kýdermetovany utyp, shırek fınalǵa shyqty. 

Jyldyń qorytyndy týrnırine iligý úshin qazaqstandyq tennısshiniń osy jarysta sátti óner kórsetýi asa mańyzdy. 

Eske sala keteıik, budan buryn Aleksandr Shevchenkonyń Almaty týrnırin jeńispen bastaǵanyn jazǵan edik. 

Sondaı-aq Anna Danılına Qytaıdaǵy týrnırdiń shırek fınalyna shyqty.