Elena Rybakına Qytaıdaǵy álemdik dodada óner kórsetedi

ORAL. KAZINFORM — Qazaqstannyń birinshi, álemniń 5-raketkasy Elena Rybakına World Tennis Continental Cup kórme týrnırine qatysý úshin Qytaıǵa bardy.

Qazaqstandyq tennısshini jankúıerler áýejaıdan ystyq yqylaspen kútip aldy. 

Áleýmettik jelide jarııalanǵan kadrlarda tennısshiniń Qazaqstan Respýblıkasy azamatshasynyń kók tólqujatyn ustap turǵany anyq kórinedi. Budan buryn Reseı tennıs federatsııasynyń prezıdenti Shamıl Tarpışev E.Rybakınanyń Máskeýde turatyny, onyń Reseı azamaty ekendigi, tek sportshy retinde Qazaqstan atynan shyǵatyny týraly málimdegen bolatyn.

E.Rybakına Shenchjen qalasynda 26-28 jeltoqsan aralyǵynda Qurlyqtyq álem kýbogynda baq synaıdy. 

Qazaqstandyq sportshy 26 jeltoqsan kúni álemniń 2-raketkasy, Polsha ókili Iga Shventekpen kezdesedi. 28 jeltoqsanda shveıtsarııalyq, Tokıo Olımpıadasynyń chempıony Belında Benchıchpen kortqa shyǵady. Sondaı-aq reseılik Andreı Rýblevpen birge Iga Shventek – monakolyq Valenten Vasheromen sheberlik baıqasady.

Eske sala keteıik, budan buryn 14 jastaǵy Ahmadı Maqanovtyń Eýropada úzdik oıynshy atanǵanyn jazǵan edik.