Elena Rybakına Qazaqstan halqyna alǵysyn aıtty

ASTANA. KAZINFORM – Aýstralııa ashyq chempıonatynda jeńimpaz atanǵan Elena Rybakına fınaldaǵy oıynnan keıin óz pikirin bildirdi.

Qazaqstandyq tennısshi aldymen fınaldaǵy qarsylasy, álemniń 1-raketkasy, Belarýs ókili Arına Sobolenkoǵa rızashylyǵyn bildirdi. 

- Qazir sóz tabý qıyn. Árıne, Arınany sońǵy jyldardaǵy tamasha nátıjelerimen quttyqtaǵym keledi. Munyń kúrdeli ekendigin bilemin. Taıaý jyldary biz kóptegen fınalda oınaımyz dep úmittenemin. Seniń komandańa jasaǵan jumysy úshin rahmet, - dedi Rybakına.

Qazaqstandyq tennısshi fınaldyq básekeniń naǵyz aıqas bolǵandyǵyn atap ótti.

- Qazaqstanǵa úlken rahmet! Meni qoldaǵan jankúıerlerime rahmet, qoldaýlaryńyzdy sezindim.

Osy týrnır úshin barlyǵyńyzǵa alǵys! Bul shynynda da baqytty «Úlken dýlyǵa» - sizderdiń aldaryńyzda oınaǵan saıyn rahatqa bólenemin. Meniń komandama rahmet! Sizdersiz men munda bolmas edim. Kóp ýaqyt ótip jatyr, osyndaı nátıjege jete alǵanymyz úshin óte qýanyshtymyn.

Óz demeýshilerim men federatsııa prezıdenti Bolat Ótemuratovqa rızashylyǵymdy bildirgim keledi. Búgin qazaqstandyqtardyń qatysýymen taǵy eki match boldy, bul – qazaqstandyq tennıs úshin tamasha tabys. Osyndaı baǵytta jalǵastyramyz dep úmittenemin, - dedi Elena Rybakına.

Qazaqstandyq sportshy Aýstralııa ashyq chempıonatynda 2 mln 793 myń 365 dollarǵa qosa 2 myń reıtıngilik upaıǵa ıe boldy. Qazirgi tańda Elenanyń 7 610 reıtıngilik upaıy bar. Ol ekinshi oryndaǵy Iga Shventekke (7 978 upaı) jaqyn tur. A.Sobolenko 10 990 upaımen burynǵysha kósh basynda keledi. 

Eske sala keteıik, budan buryn Zańǵar Nurlanulynyń Aýstralııa chempıonatynda alǵash ret jartylaı fınalǵa shyqqanyn jazǵan edik.

Anna Danılına fınalda ese jiberdi.

Elena Rybakına Aýstralııa ashyq chempıonatynyń jeńimpazy atandy.

Memleket basshysy Elena Rybakınany jeńisimen quttyqtady.