Elena Rybakına qaı týrnırlerde baq synaıtyny belgili boldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına taıaýda qaı jarystarda óner kórsetetinin jarııa etti.
Instagram áleýmettik jelisindegi paraqshasynyń storısinde málim etkenindeı, qazaqtandyq tennısshi Toronto (Kanada), Tsıntsınnatı (AQSh) WTA 1000 týrnırinde, sodan keıin AQSh ashyq chempıonatynda baq synaıdy.
E.Rybakına aldymen 2-13 tamyzda ótetin Toronto jarysyna qatysady. Sodan keıin 13-23 tamyzdaǵy Tsıntsınnatı dodasyna joly túsedi.
Jyldyń sońǵy «Úlken dýlyǵa» týrnıri – AQSh ashyq chempıonaty 30 tamyz – 13 qyrkúıek aralyǵynda ótedi.
Bıyl álemniń 1-raketkasy atanýdy maqsat etken E.Rybakına úshin osy jarystardyń qaı-qaısysy da mańyzdy bolmaq.
Eske sala keteıik, budan buryn Jibek Qulambaevanyń Germanııadaǵy týrnırde jarystyń 2-raketkasyn jeńgenin jazǵan edik.
Sondaı-aq Aleksandr Býblık ekinshi jyl qatarynan Aýstrııadaǵy týrnırdiń fınalyna shyqty.
