Elena Rybakına qatysatyn Brısben týrnıriniń jerebesi tartyldy

ASTANA. KAZINFORM — Brısben (Aýstralııa) WTA 500 týrnırinde Qazaqstannyń birinshi, álemniń 5-raketkasy Elena Rybakınanyń kimmen kezdesetini belgili boldy.

Jarystyń 3-raketkasy bolyp tirkelgen E.Rybakına ekinshi aınalymnan bastaıdy.

Qazaqstandyq tennısshi álemniń 44-raketkasy, amerıkalyq Eshlın Krıýger nemese irikteý saıysy jeńimpazdarynyń birimen oınaıdy.

Taǵy bir qazaqstandyq, álemniń 71-raketkasy ıÝlııa Pýtıntseva kútpegen jerden irikteý saıysynyń fınalynda reıtıngide 206-orynda turǵan aýstralııalyq Olıvııa Gadekıden jeńilip, negizgi jarystan tys qaldy — 6:1, 5:7, 1:6.

2024 jyly Brısbende Elena Rybakına jeńimpaz atansa, ótken jyly álemniń 1-raketkasy, Belarýs ókili Arına Sobolenko úzdik shyqqan edi. Bul joly ekeýiniń tek jartylaı fınalda joldary toǵysýy múmkin.

Eske sala keteıik, budan buryn ıÝlııa Pýtıntsevanyń Brısben týrnırin jeńispen bastaǵanyn jazǵan edik. 

Sondaı-aq Arýjan Saǵyndyqova Úndistandaǵy týrnırdiń fınalynda óner kórsetedi.