Elena Rybakına ıtalııalyq bapkerimen qosh aıtysty
ASTANA. KAZINFORM — Qazaqstannyń birinshi raketkasy Elena Rybakına ıtalııalyq bapker Davıde Sangvınettımen jumysyn toqtatty.
Spazio Tennis málim etkenindeı, atalmysh sheshim Rybakına AQSh ashyq chempıonatynyń tórtinshi aınalymynda jeńilip qalǵannan keıin qabyldanǵan. Osylaısha, qazirgi kezde horvatııalyq maman Stefano Výkov qazaqstandyq tennısshiniń jalǵyz jattyqtyrýshysy bolyp qalyp otyr.
Ótken jyly shildede Rybakına S.Výkovpen qosh aıtysqan edi. Keıin taǵy bir horvatııalyq maman Goran Ivanıshevıchpen jumysy uzaqqa barmady.
Áıelder tennısi qaýymdastyǵy (WTA) tennısshimen qatal baılanys jasaǵany úshin Výkovty jumysynan shettetken bolatyn. Biraq horvatııalyq bapker sot arqyly tyıymnyń kúshin joıyp, Rybakınanyń komandasyna qaıta qosyldy.
Al D.Sangvınettımen Rybakına bıylǵy aqpan aıynda kelisim jasasqan edi.
Eske sala keteıik, budan buryn Elena Rybakınanyń jańa bapkeri jóninde aıtqanyn jazǵan edik.
