Elena Rybakına eıs jasaý jóninen álem rekordyn jańartty

Qazaqstannyń birinshi, álemniń 5-raketkasy Elena Rybakına WTA 1000 týrnırlerinde bir maýsymda eıs jasaý jóninen álemdik rekordty jańartty, dep habarlaıdy Kazinform agenttigi.

Shampionat.com saıtynan alynǵan málimetke qaraǵanda, qazaqstandyq tennısshi ótken aptada Beıjiń WTA 1000 jarysynda 38 eıs jasady.

Sóıtip bıylǵy maýsymda osyndaı dodalarda jasaǵan eıs sanyn 235-ke jetkizip, chehııalyq Karolına Plıshkova men amerıkalyq Serena Ýılıamsti basyp ozdy.

K.Plıshkova 2019 jyly WTA 1000 týrnırlerinde 234, al S.Ýılıams oǵan deıin 233 eıs jasaǵan edi.

Elena Rybakına Beıjińde tabysty óner kórsetip, shırek fınalda álemniń 1-raketkasy, belorýssııalyq Arına Sobolenkony utty.

Tek jartylaı fınalda reseılik Lıýdmıla Samsonovaǵa jol berdi.

Qazirgi kezde qazaqstandyq tennısshi WTA qorytyndy jarysyna daıyndalyp jatyr. 

Eske sala keteıik, budan buryn Qazaqstannan eki birdeı jas tennısshiniń TOP-100 qataryna kirgenin jazǵan edik.