Elena Rybakına eki márte jyl sportshysy atandy
ASTANA. KAZINFORM — Almaty qalasynda sport pen bıznes salasynda ulttyq Metaratings Top Awards syılyǵy tabystaldy.
Onyń qorytyndysymen túrli atalymdar boıynsha jeńimpazdar anyqtaldy.
Atalmysh baıqvý bıyl úshinshi ret uıymdastyryldy. Bıylǵy naýryzdyń 10-20-sy aralyǵyndaǵy halyqtyq daýys berý nátıjelerin eskere otyryp, qazylar alqasy ár atalymda úsh úmitkerdiń ishinen bireýin tańdady.
Qazaqstannyń birinshi, álemniń 2-raketkasy Elena Rybakına eń kóp daýys jınap, «Jyl sportshysy» marapatyna ıe boldy. Osylaısha, Elena ekinshi ret sport jankúıerleriniń tańdaýyna ilikti. Bedeldi basylymnyń 2024 jyly ótkizgen baıqaýynda da ol jyl úzdigi atanǵan edi.
E.Rybakına ótken jyl sońynda WTA qrrytyndy týrnırinde alǵash ret úzdik shyqty. Sondaı-aq bıyl Aýstralııa ashyq chempıonatynda top jardy.
Eske sala keteıik, budan buryn Bıllı Djın Kıng kýbogynda Qazaqstan quramasynyń Ispanııamen oınaıtynyn jazǵan edik.
