Elena Rybakına Dohada, Aleksandr Býblık Rotterdam týrnırinde baq synaıdy

ASTANA. KAZINFORM – Búgin Dohada (Qatar) áıelder arasynda WTA 1000 týrnıri bastalady. Qazaqstannyń kóshbasshy tennısshisi Elena Rybakına Dohada úshinshi raketka bolyp tirkelgen.

Jarysty ekinshi aınalymnan bastaıtyn E.Rybakına álemniń 46-raketkasy, frantsııalyq Varvara Gracheva nemese reıtıngide 57-oryndaǵy qytaılyq Chjý Lınniń qaı jeńgenimen kezdesedi.

Doha dodasy 17 aqpanda máresine jetedi.

Qazaqstandyq tennısshi búgin Ábý-Dabıde álemniń 14-raketkasy, reseılik Darıa Kasatkınamen fınaldyq matchyn ótkizedi.

Qazaqstannyń erler arasyndaǵy birinshi, álemniń 23-raketkasy Aleksandr Býblık 12-18 aqpan aralyǵynda ótetin Rotterdam (Nıderland) ATP 500 jarysynda baq synaıdy.

Dodanyń 8-raketkasy bolyp tirkelgen A.Býblık alǵashqy aınalymda álemniń 31-raketkasy, horvatııalyq Borna Chorıchpen sheberlik baıqasady. Jýyrda qazaqstandyq tennısshi B.Chorıchti Monpele (Frantsııa) ATP 250 týrnıriniń fınalynda 5:7, 6:2, 6:3 esebimen jeńgen edi.

Eske sala keteıik, budan buryn Elena Rybakınanyń Ábý-Dabıde chempıondyq ataq úshin talasatynyn jazǵan bolatynbyz.

Sondaı-aq Dmıtrıı Popko AQSh-taǵy jarystyń fınalyna shyqty.