Elena Rybakına Doha týrnıriniń jartylaı fınalynan tys qaldy

ASTANA. KAZINFORM - Qazaqstannyń birinshi, álemniń 7-raketkasy Elena Rybakına Doha (Qatar) WTA 1000 týrnıriniń jartylaı fınalyna shyǵa almady.

Qazaqstandyq tennısshi shırek fınalda álemniń 2-raketkasy, Polsha ókili, Doha jarysynyń úsh dúrkin jeńimpazy Iga Shventekpen sheberlik baıqasty.

Osyǵan deıin qarsylastar jeti ret kezdesse, sonyń tórteýinde Rybakına jeńgen edi.

Bul joly Shventektiń baǵy jandy - 6:2, 7:5.

Bir saǵat 36 mınýtqa sozylǵan báseke barysynda Rybakına 3 eıspen birge 4 breık-poınttyń bireýin ǵana paıdalandy. Shventek 1 eıs jasap, 9 breık-poınttyń tórteýin óz esebine jazdy.

Qazaqstannyń juptyq syndaǵy birinshi, álemniń 19-raketkasy Anna Danılına reseılik Irına Hromachevamen birge jartylaı fınalǵa óte almady. Olar reseılikter Mırra Andreeva - Dıana Shnaıderge jol berdi - 4:6, 1:6.

Eske sala keteıik, budan buryn Jibek Qulambaevanyń Túrkııadaǵy jarystyń jartylaı fınalyna ótkenin jazǵan bolatynbyz.