Elena Rybakına Doha týrnıriniń úshinshi aınalymyna shyqty
ASTANA. KAZINFORM – Qazaqstannyń birinshi, álemniń 7-raketkasy Elena Rybakına Doha (Qatar) WTA 1000 týrnıriniń úshinshi aınalymyna joldama aldy.

Jarystyń 5-raketkasy bolyp tirkelgen E.Rybakına ekinshi aınalymda dúnıejúzilik reıtıngide 47-orynda turǵan amerıkalyq Pıton Stırnspen sheberlik baıqasty.
Bul qos tennısshiniń ózara alǵashqy kezdesýi edi.
Qazaqstandyq sportshy matchty qarqyndy bastady – 3:0. Esep 5:1-ge jetip, setke dop bergenimen, aıaqtaı almady. Degenmen partııany taǵy bir breıkpen túıindedi – 6:2.
Elena ekinshi sette 5:0 esebimen alǵa shyqty. Esep 5:1 bolyp, matchqa dop bergende, Stırns breık jasaı aldy. Qarsylasynyń shıraq qımyldaǵanyna qaramastan, Rybakına oıyndy breıkpen támamdaı bildi – 6:4.
Bir saǵat 14 mınýtqa sozylǵan báseke barysynda Rybakına 6 eıspen birge 16 breık-poınttyń altaýyn óz esebine jazdy. Stırns 4 eıs, 3 breıkpen (5 breık-poınt) kózge tústi.
E.Rybakına shırek fınalǵa shyǵý úshin álemniń 15-raketkasy, 17 jastaǵy reseılik Mırra Andreeva nemese reıtıngide 46-satydaǵy slovakııalyq Rebekka Shramkovanyń qaı jeńgenimen talasady.
Taǵy bir qazaqstandyq, álemniń 20-raketkasy ıÝlııa Pýtıntseva ekinshi aınalymda reıtıngide 33-satydaǵy chehııalyq Lında Noskovadan utylyp qaldy – 2:6, 3:6.
2024 jyly E.Rybakına Dohada fınalǵa deıin jetip, onda Polsha ókili Iga Shventekke 6:7 (8:10), 2:6 esebimen jol bergen edi.
Eske sala keteıik, budan buryn Anna Danılınanyń Doha týrnıriniń 1/8 fınalyna ótkenin jazǵan edik.