Elena Rybakına densaýlyǵyna baılanysty Rım týrnırine qatysýdan bas tartty

RIM. KAZINFORM – Qazaqstannyń birinshi, álemniń 4-raketkasy Elena Rybakına Rım WTA 1000 týrnırinde ótken jylǵy chempıondyq ataǵyn qorǵaýdan bas tartty.

Shampionat.com saıtynan alynǵan málimetke qaraǵanda, buǵan tennısshiniń aýyryp qalǵany sebep bolǵan. E.Rybakına búgin ekinshi aınalymda dúnıejúzilik reıtıngide 161-orynda turǵan rýmynııalyq Irına Begýmen oınaýy kerek edi. Endi ony frantsııalyq Osean Doden almastyrady.

Osylaısha, Elena Rybakına Rımde chempıondyq ataǵyna qosa ótken jylǵy reıtıngilik upaıynan aıyryldy.

«Bıyl Rım týrnırine qatysýdan bas tartýyma baılanysty ókinish bildiremin. Jarysqa túsý úshin ózimdi oıdaǵydaı sezine almaı turmyn. Ótken jylǵy dodadan jaqsy estelikter qaldy. Men óz tıtýlymdy qorǵaýdy taǵatsyzdana tostym. Rım – men úshin erekshe qala. Endi chempıondyq ataǵymdy qaıtarý jáne ıtalııalyq jankúıerler aldynda oınaý úshin kelesi jyldy kútemin», - dedi qazaqstandyq tennısshi.

Sonymen qatar Qazaqstannyń erler arasynda birinshi, álemniń 17-raketkasy Aleksandr Býblık te jekeleı synda Rım masters týrnırinde jeńilip qaldy. Ol ekinshi aınalymdaǵy bastapqy kezdesýinde kútpegen jerden reıtıngide 53-satydaǵy portýgalııalyq Nýný Borjeshke ese jiberdi – 4:6, 4:6.

Eske sala keteıik, budan buryn ıÝlııa Pýtıntsevanyń Rımde AQSh chempıonyn tize búktirgenin jazǵan bolatynbyz.

ıÝ.Pýtıntseva úshinshi aınalymda álemniń 1-raketkasy, Polsha ókili Iga Shventekpen oınaıdy.