Elena Rybakına densaýlyǵyna baılanysty Dýbaıda matchqa qatysýdan bas tartty

ASTANA. KAZINFORM –  Qazaqstannyń birinshi, álemniń 4-raketkasy Elena Rybakına densaýlyǵyna baılanysty Dýbaı WTA 1000 týrnıriniń shırek fınaldyq oıynyna qatysýdan bas tartty. 

Championat.com saıtynyń habarlaýynsha, qazaqstandyq tennısshi asqazan-ishek joldarynyń aýrýyna qatysty osyndaı sheshim qabyldaǵan. 

Elena Rybakına búgin shırek fınalda álemniń 26-raketkasy, ıtalııalyq ıAsmına Paolınımen kezdesýi tıis bolatyn. Biraq otandasymyz kortqa shyqan joq. 

Osylaısha, ıtalııalyq sportshy esh qıyndyqsyz jartylaı fınalǵa joldama aldy. 

Eske sala keteıik, budan buryn Elena Rybakınanyń 2 aıda 5 ret WTA týrnıriniń shırek fınalyna shyqqanyn jazǵan bolatynbyz.