Elena Rybakına Brısben týrnıriniń jartylaı fınalyna shyqty

Qazaqstannyń birinshi, álemniń 4-raketkasy Elena Rybakına Brısben (Aýstralııa) WTA 500 týrnıriniń jartylaı fınalyna shyqty, dep habarlaıdy Kazinform.

Jarystyń 2-raketkasy bolyp tirkelgen qazaqstandyq sportshy shırek fınalda dúnıejúzilik reıtıngte 28-orynda turǵan reseılik Anastasııa Potapovamen sheberlik talastyrdy.

Osyǵan deıin qarsylastar bir-aq márte kezdesip, onda reseılik tennısshi jeńgen eken.

Bul joly birinshi partııada esep 2:1 bolǵan mezette E.Rybakına breık jasaı aldy.

Sodan keıin esep 4:1 bolǵanda, A.Potapova medıtsınalyq kómekke júgindi. Budan keıin taǵy bir breık jasaǵan Elena setti támamdady — 6:1.

Osydan soń A.Potapova básekeni jalǵastyrýdan bas tartty.

Jarty saǵatqa sozylǵan kezdesýde qazaqstandyq tennısshi 2 eıs jasap, 3 breık-poınttyń ekeýin paıdalanyp úlgerdi.

Elena Rybakına fınalǵa shyǵý úshin álemniń 40-raketkasy, chehııalyq Lında Noskova nemese reıtıngte 58-satydaǵy 16 jastaǵy reseılik Mırra Andreevanyń bireýimen talasady.

Eske sala keteıik, budan buryn Sonıa Jıenbaevanyń Qazaqstan azamattyǵyn alǵanyn jazǵan bolatynbyz.

Brısben týrnırinde Aleksandr Nedovesov jartylaı fınaldan tys qaldy.