Elena Rybakına bıylǵy maýsymda biregeı kórsetkishke qol jetkizdi
ASTANA. KAZINFORM — Qazaqstannyń birinshi, álemniń 2-raketkasy Elena Rybakına WTA 1000 týrnırlerinde 2026 jyly úzdik nátıjesimen kózge tústi.
Opta statıstıkalyq portalynan málim etkenindeı, E.Rybakına bıylǵy maýsymda barlyq segiz WTA 1000 jarysynda tórtinshi aınalymǵa shyqqan álemdegi jalǵyz tennısshi atandy.
Bul qazaqstandyq sportshy Tsıntsınnatı (AQSh) WTA 1000 dodasynyń 1/16 fınalyna shyqqannan keıin belgili boldy.
Elena Rybakına Tsıntsınnatıde álemniń 14-raketkasy, reseılik Dıana Shnaıdermen shırek fınalǵa shyǵý úshin talasady. Bul kezdesý 19 tamyzǵa belgilengen.
Bıylǵy maýsymda Aýstralııa ashyq chempıonatynda úzdik shyqqan E.Rybakına jýyrda Torontoda (Kanada) fınalǵa deıin jetkennen keıin WTA chempıondyq kestesinde qaıtadan kósh bastady.
Budan bólek, qazaqstandyq tennısshi WTA 1000 jarystarynda 24 jeńiske qol jetkizip, absolıýttik rekord ornatty. Sonymen qatar Elena hard tósenishindegi korttarda 28 matchta qarsylastaryn utyp, bul jóninen de aldyna jan salmady.
Eske sala keteıik, budan buryn Elena Rybakınanyń Tsıntsınnatı týrnıriniń tórtinshi aınalymyna shyqqanyn jazǵan edik.
