Elena Rybakına bıylǵy maýsymda biregeı kórsetkishke qol jetkizdi
ASTANA. KAZINFORM — Qazaqstannyń birinshi, álemniń 2-raketkasy, «Úlken dýlyǵa» týrnıriniń eki dúrkin chempıony Elena Rybakına erekshe kórsetkishpen kózge tústi.
Qazaqstandyq tennısshi bıylǵy maýsymda barlyq alty WTA 1000 jarysynyń 1/8 fınalyna jetken jalǵyz tennısshi atandy.
Rım WTA 1000 dodasynyń tórtinshi aınalymyna joldama alǵan E.Rybakına osy týrnırde qazirdiń ózinde 79 510 eýro kóleminde tabys taýyp, 120 reıtıngilik upaıǵa qol jetkizdi.
WTA Live reıtıngisinde 8 610 upaımen Rybakına ekinshi orynda nyq tur. Kósh basyndaǵy Belarýs ókili Arına Sobolenkonyń 9 960 upaıy bar. Qazaqstandyq tennısshi aldaǵy kezdesýlerin sátti ótkizse, aıyrmashylyq odan saıyn qysqarady.
Elena Rybakına shırek fınalǵa shyǵý úshin germanııalyq Laýra Zıgemýnd nemese chehııalyq Karolına Plıshkovanyń bireýimen oınaıdy.
Sonymen qatar Rımde Qazaqstannyń juptyq syndaǵy birinshi raketkasy Anna Danılına amerıkalyq Eıja Mýhammadpen birge óner kórsetedi.
Eske sala keteıik, budan buryn Elena Rybakınanyń Rım týrnıriniń tórtinshi aınalymyna joldama alǵanyn jazǵan edik.
Rım masters týrnırinde Aleksandr Býblık tórtinshi aınalymnan tys qaldy.
