Elena Rybakına Beıjińdegi jarysta upaı qoryn tolyqtyra ala ma
ASTANA. KAZINFORM – 30 qyrkúıek – 11 qazan aralyǵynda ótetin Beıjiń (Qytaı) WTA 1000 týrnıriniń jerebesi tartyldy.
Bul qazaqstandyq tennısshi Elena Rybakınanyń álemniń 1-raketkasy retinde qatysatyn alǵashqy jarysy bolmaq.
E.Rybakına dodany ekinshi aınalymnan bastap álemniń 45-raketkasy, ýkraınalyq ıÝlııa Starodýbtseva nemese reıtıngide 118-oryndaǵy armenııalyq Alına Charaevanyń qaı jeńgenimen kezdesedi.
Qazaqstandyq sportshy bıyl Rolan Garros týrnırinde ıÝ.Starodýbtsevadan kútpegen jerden jeńilis tapsa, keıin ózi jeńimpaz atanǵan AQSh ashyq chempıonatynda ese qaıtarǵan edi. Olardyń bul joly da joldary toqaılasýy yqtımal.
Júlde qory 9,5 mln AQSh dollaryna jýyqtaıtyn China Open týrnırinde ótken jyly amerıkalyq, qazirgi kezde reıtıngide 11-satydaǵy Amanda Anısımova úzdik shyqqan.
E.Rybakına úshinshi aınalymnan asa almaǵan edi.
Qazaqstandyq tennısshi Beıjińde bastapqy jattyǵýyn ótkizip úlgerdi.
Qytaı astanasynda E.Rybakınanyń basty qarsylastarynyń biri, álemniń 2-raketkasy, Belarýs ókili Arına Sobolenko da baq synaıdy. Ótken jyly bul jarysqa qatyspaǵan A.Sobolenko sátti óner kórsetse, upaı qoryn tolyqtyra alady.
Elena Rybakına búgin jańartylǵan WTA chempıondyq kestesinde de kóshbasshylyq rólin saqtap qaldy.
Eske sala keteıik, budan buryn Prezıdenttiń Elena Rybakınany ІІІ dárejeli «Barys» ordenimen marapattaǵanyn jazǵan edik.
Sondaı-aq Qasym-Jomart Toqaev Elena Rybakınamen kezdesti.
