Elena Rybakına Beıjińdegi WTA 1000 týrnırine bardy
ASTANA. KAZINFORM — Qazaqstandyq tennısshi, WTA reıtınginde birinshi orynda turǵan Elena Rybakına Beıjińge WTA 1000 sanatyndaǵy týrnırine bardy, dep habarlaıdy Sports.kz.
Jarystyń júlde qory — 9,4 mln dollar. Týrnır jeńimpazy 1,15 mln dollar syıaqy jáne reıtıngke 1000 upaı alady.
Negizgi kezeńniń jerebesi 28 qyrkúıekte tartylady. Rybakına alǵashqy kezdesýin 2 qazanǵa deıin ótkizbeıdi.
Elena Rybakina today at Beijing. Arrived for the next WTA 1009. Draw tomorrow, first match not before friday #WTA 📸China Open /Weibo https://t.co/2UPoCuwJqo
— Sebastien G. (@sebsharfam2) September 27, 2026
Týrnırdiń qazirgi chempıony — álemdik reıtıngte 11-orynda turǵan amerıkalyq Amanda Anısımova.
Bul Rybakına úshin WTA reıtınginiń kóshin bastaǵannan keıingi alǵashqy týrnır bolmaq.
Aıta keteıik, Elena Rybakına US Open-2026 chempıony atandy. Ol fınalda Belarýs ókili Arına Sobolenkony jeńip, 5,5 mln dollar kóleminde júlde qorynyń ıegeri boldy. Ol Áıelder tennısi qaýymdastyǵynyń (WTA) álemdik reıtınginde resmı túrde kósh bastady.
Eske salaıyq, tennısshi US Open-2026 týrnırindegi jeńisinen keıin rekordtyq kólemdegi júldege ıe boldy. Chempıondyq ataqpen qatar, Rybakınaǵa 5,5 mln dollar kólemindegi chek tabystaldy. Sondaı-aq oǵan MMA stılindegi chempıondyq belbeý tabystaldy.
Elena Rybakına buǵan deıin bıyl Bıllı Djın Kıng kýbogi aıasyndaǵy matchtarǵa qatyspaıtynyn málimdegen bolatyn.
