Elena Rybakına Beıjińde Azıada chempıonyn oısyrata utty

Qazaqstannyń birinshi, álemniń 5-raketkasy Elena Rybakına Beıjiń (Qytaı) WTA 1000 týrnıriniń ekinshi aınalymyna shyqty.

Qazaqstandyq tennısshi alǵashqy aınalymda álemniń 23-raketkasy, bıylǵy Azııa oıyndarynyń jeńimpazy, qytaılyq Chjen Tsınvenmen sheberlik baıqasty.

Birinshi partııada Rybakına eki breık jasap, ońaı bitirdi - 6:1.

Elena ekinshi sette de sol qarqynynan tanǵan joq - 6:2.

Bir saǵat 1 mınýtqa sozylǵan báseke barysynda qazaqstandyq sportshy 3 eıs jasap, 7 breık-poınttyń tórteýin paıdalana bildi.

Elena Rybakına ekinshi aınalymda álemniń 53-raketkasy, germanııalyq Tatıana Marııamen kezdesedi.

Qazaqstannyń juptyq syndaǵy birinshi raketkasy Anna Danılına reseılik Anastasııa Panovamen birge brazılııalyq Beatrıs Haddad Maııa - reseılik Veronıka Kýdermetovaǵa jol berdi - 4:6, 6:4, 7:10.

Eske sala keteıik, budan buryn ıÝlııa Pýtıntsevanyń Beıjińde álemniń 30-raketkasyn jeńgenin jazǵan bolatynbyz.

Sondaı-aq Astana týrnırinde jartylaı fınalǵa shyqqan tennısshiler anyqtaldy.