Elena Rybakına Beıjińde álemniń 1-raketkasyn utyp, jartylaı fınalǵa shyqty

Qazaqstannyń birinshi, álemniń 5-raketkasy Elena Rybakına Beıjiń WTA 1000 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda álemniń birinshi raketkasy, belorýssııalyq Arına Sobolenkomen sheberlik baıqasty.

Osyǵan deıin qarsylastar bes ret kezdesip, tórteýinde A.Sobolenko jeńgen edi.

Bul joly birinshi partııada E.Rybakına 7:5 esebimen basym tústi.

Ekinshi sette qazaqstandyq tennısshi qarqyndy odan saıyn údetti – 6:2.

Bir saǵat 34 mınýtqa sozylǵan báseke barysynda E.Rybakına 12 eıs jasap, 9 breık-poınttyń tórteýin múlt jibermedi.

Qarsylasy 4 eıs, 1 breıkten asa alǵan joq.

Elena Rybakına fınalǵa shyǵý úshin álemniń 22-raketkasy, reseılik Lıýdmıla Samsonovamen talasady.

Ol álemniń 17-raketasy, latvııalyq Elena Ostapenkony joldan taıdyrdy – 6:3, 6:2.

Eske sala keteıik, budan buryn Elena Rybakınanyń álemniń birinshi raketkasymen oınaıtynyn jazǵan edik. 

Sondaı-aq Aleksandr Nedovesov Shanhaı masters týrnıriniń ekinshi aınalymyna shyqty.