Elena Rybakına Beıjiń jarysynda jeńiliske ushyrady
ASTANA. KAZINFORM — Qazaqstannyń birinshi, álemniń 1-raketkasy Elena Rybakına Beıjiń (Qytaı) WTA 1000 týrnıriniń úshinshi aınalymyna shyǵa almady.
Jarysty ekinshi aınalymnan bastaǵan qazaqstandyq tennısshi álemdik reıtıngide 118-orynda turǵan armenııalyq, túbi reseılik Alına Charaevamen sheberlik baıqasty.
Bastapqy partııada E.Rybakına 6:3 esebimen basymdylyq tanytty. Alaıda budan keıin eki sette ese jiberdi — 4:6, 3:6.
Eki saǵat 12 mınýtqa sozylǵan básekede Rybakına 3 eıspen birge 6 breık-poınttyń tórteýin paıdalandy. Charaeva 6 eıs, 5 breıkpen (8 breık-poınt) erekshelendi.
Osylaısha, qazaqstandyq tennısshi kútpegen jerden jarys jolynan shyǵyp qaldy. Bul onyń AQSh ashyq chempıonatynda jeńimpaz atanǵannan keıingi alǵashqy matchy edi.
Sensatsııalyq jeńiske jetken Alına Charaeva úshinshi aınalymda reıtıngide 129-satydaǵy ulybrıtanııalyq Sonaı Kartalmen oınaıdy.
Eske sala keteıik, budan buryn Aleksandr Býblıktiń juptyq synda Beıjiń týrnıriniń jartylaı fınalyna shyqqanyn jazǵan edik.
