Elena Rybakına Beıjiń týrnıriniń úshinshi aınalymyna shyqty

Qazaqstannyń birinshi, álemniń 5-raketkasy Elena Rybakına Beıjiń WTA 1000 týrnıriniń úshinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 53-raketkasy, germanııalyq Tatıana Marııamen betpe-bet keldi.

Birinshi partııa tartysty órbip, Rybakına ony óz paıdasyna sheshti – 7:5. Al ekinshi sette T.Marııaǵa bir geım de ustatqan joq – 6:0.

Bir saǵat 11 mınýtqa sozylǵan matchta E.Rybakına 9 eıs jasap, 7 breık-poınttyń beseýin múlt jibergen joq. T.Marııa 1 eıs, 1 breıkten asa alǵan joq.

Elena Rybakına shırek fınalǵa shyǵý úshin álemniń 60-raketkasy, Reseıdiń jas juldyzy, 16 jastaǵy Mırra Andreevamen talasady. Ony utqan jaǵdaıda álemniń 1-raketkasy, belorýssııalyq Arına Sobolenkomen kezdesýi ábden yqtımal.

Eske sala keteıik, budan buryn Elena Rybakınanyń Beıjińde Azıada chempıonyn oısyrata utqanyn jazǵan bolatynbyz.

Sondaı-aq qazaqstandyq tennısshiler Shanhaı masters týrnıriniń irikteý saıysyn sátti bastady.

Astana Open ATP 250 týrnıriniń fınalyna shyqqan tennısshiler belgili boldy.