Elena Rybakına Beıjiń týrnıriniń úshinshi aınalymyna shyqty

ASTANA. KAZINFORM – Qazaqstannyń birinshi, álemniń 10-raketkasy Elena Rybakına Beıjiń (Qytaı) WTA 1000 týrnıriniń úshinshi aınalymyna joldama aldy.

Jarystyń 8-raketkasy bolyp tirkelgen qazaqstandyq tennısshi ekinshi aınalymda reıtıngide 90-satydaǵy amerıkalyq Ketı Maknellımen kortqa shyqty.

Rybakına birinshi partııany óz esebine jazdy - 7:5. Ekinshisinde Maknellı ese qaıyrdy - 6:4. Úshinshi, sheshýshi sette Elena 3:0 esebimen alǵa ketti. Aqyry sol basymdylyqtan aıyrylǵan joq - 6:3

Eki saǵat 30 mınýtqa sozylǵan tartysty básekede Rybakına 8 eıspen birge 11 breık-poınttyń tórteýiin paıdalandy. Maknellı 2 eıs, 3 breıkpen kózge tústi.

Elena Rybakına úshinshi aınalymda reıtıngide 66-oryndaǵy germanııalyq Eva Lıspen kezdesedi.

Eske sala keteıik, budan buryn Rybakınanyń Beıjińdegi týrnırdiń ekinshi aınalymynda kimmen kezdesetinin jazǵan edik.