Elena Rybakına Beıjiń týrnırinde Azıada chempıonymen oınaıdy

Qazaqstannyń birinshi, álemniń 5-raketkasy Elena Rybakınanyń Beıjiń (Qytaı) WTA 1000 týrnırindegi alǵashqy qarsylasy anyqtaldy, dep habarlaıdy QazAqparat tilshisi.

Qazaqstannyń mańdaıaldy tennısshisi birinshi aınalymda álemniń 23-raketkasy, qytaılyq Chjen Tsınvenmen sheberlik baıqasady.

Ch.Tsınven Qytaıdyń Hanjchoý qalasynda ótip jatqan Azııa oıyndarynda tennısten jeńimpaz atandy. Ol 29 qyrkúıek kúni fınalda otandasy, reıtıngte ózinen on saty tómen turǵan Chjý Lındi 6:2, 6:4 esebimen utty. Sondyqtan 20 jastaǵy Chjen Tsınven ońaı shaǵylatyn jańǵaq emes.

Qytaı astanasynda 30 qyrkúıek – 8 qazan aralyǵynda ótetin iri dodada álemniń birinshi jáne ekinshi raketkalary, belorýssııalyq Arına Sobolenko, Polsha ókili Iga Shventek bastaǵan álemniń myqty tennısshileri óner kórsetedi.

Jarystyń júlde qory 8,1 mln AQSh dollarynan asady.

Eske sala keteıik, budan buryn Aleksandr Nedovesovtiń Astana týrnıriniń shırek fınalyna shyqqanyn jazǵan bolatynbyz.

Sondaı-aq ıÝlııa Pýtıntseva Beıjiń jarysynyń irikteý saıysyn sátti bastady.