Elena Rybakına Berlındegi jarystyń jartylaı fınalynan tys qaldy

BERLIN. KAZINFORM – Qazaqstannyń birinshi, álemniń 4-raketkasy Elena Rybakına Berlın (Germanııa) WTA 500 týrnıriniń jartylaı fınalyna shyǵa almady.

Jarystyń 3-raketkasy bolyp tirkelgen qazaqstandyq tennısshi álemdik reıtıngide kezinde kósh bastaǵan, qazirgi kezde 19-orynda turǵan Belarýs ókili Vıktorııa Azarenkomen synǵa tústi.

Qarsylastar osyǵan deıin tórt ret kezdesip, bárinde Rybakına jeńgen edi. Sonyń ishinde bıyl Maıamı WTA 1000 jarysynyń jartylaı fınalynda 6:4, 0:6, 7:6 (7:2) esebimen utqan bolatyn.

Bul joly birinshi partııada esep 1:1 bolǵan mezette Azarenko breık jasaı bildi. Esep 1:3 bolǵan kezde Rybakına medıtsınalyq kómekke júginip, matchty jalǵastyrýdan bas tartty. Nebári 20 mınýtqa sozylǵan básekede qazaqstandyq sportshy 2 eıspen kózge tústi.

V.Azarenko fınalǵa shyǵý úshin álemniń 3-raketkasy, taǵy bir Belarýs tennısshisi Arına Sobolenko nemese reıtıngide 24-satydaǵy reseılik Anna Kalınskaıanyń qaı jeńgenimen sheberlik talastyrady.

Eske sala keteıik, budan buryn Elena Rybakınanyń alǵash ret Berlın týrnıriniń shırek fınalyna ótkenin jazǵan bolatynbyz. Sondaı-aq Bırmıngem týrnırinde ıÝlııa Pýtıntseva shırek fınalǵa joldama aldy.