Elena Rybakına bastaǵan Qazaqstan quramasy Bıllı Djın Kıng kýbogynyń fınaldyq kezeńine shyqty

ASTANA. KAZINFORM — Aýstralııanyń Brısben qalasynda tennısten Bıllı Djın Kıng kýbogynyń irikteý týrnırinde Qazaqstan quramasy Kolýmbııany tize búktirdi.

Ekinshi kezdesýde Qazaqstannyń birinshi, álemniń 10-raketkasy Elena Rybakına dúnıejúzilik reıtıngide 684-orynda turǵan ıÝlıana Lısarasonyń mysyn basty.

Birinshi partııada Rybakına qarsylasyna bir ǵana geım berdi – 6:1.

Ekinshi sette kolýmbııalyq tennısshi 2:0 esebimen alǵa shyqty. Biraq budan keıin Elena qatarynan alty geımdi óz esebine jazdy – 6:2.

Nebári 52 mınýtqa sozylǵan básekede Rybakına 5 eıspen birge 7 breık-poınttyń beseýin paıdalandy. Lısaraso 1 breıkti qanaǵat tutty.

Osylaısha, Elena Rybakına esepti 2:0-ge jetkizdi. Qalǵan juptyq báseke eshteńeni sheshpeıdi. 

Matchtan soń suhbatynda E.Rybakına jankúıerlerge alǵysyn aıtyp, jeńiske ıÝlııa

Pýtıntsevanyń súbeli úles qosqanyn atap ótti.

Sóıtip Qazaqstan áıelder quramasy óz tarıhynda úshinshi ret Bıllı Djın Kıng kýbogynyń fınaldyq kezeńine joldama aldy.

Eske sala keteıik, budan buryn Bıllı Djın Kıng kýbogynda Qazaqstan quramasynyń Aýstralııany utqanyn jazǵan bolatynbyz.

Bıllı Djın Kıng kýbogynda Kolýmbııamen matchta ıÝlııa Pýtıntseva Qazaqstandy alǵa shyǵardy.