Elena Rybakına bapkersiz qaldy
ASTANA. KAZINFORM – Qazaqstannyń birinshi, álemniń 7-raketkasy Elena Rybakına men horvatııalyq bapker Goran Ivanıshevıch arasyndaǵy kelisimshart aıaqtaldy.
Championat.com saıtynan alynǵan málimetke qaraǵanda, bul týraly Ivanıshevıch áleýmettik jelidegi paraqshasynda habarlaǵan.
- Australian Open aıaqtalǵannan keıin bizdiń synaq merzimimiz bitti. Elena men onyń komandasyna bolashaqta tabys tileımin, - dep jazdy horvat.
Rybakına ótken jyly taǵy bir horvatııalyq maman Stefano Výkovpen qosh aıtysyp, keıin Goran Ivanıshevıch bapkeri bolǵan edi.
Jyl basynda Elena Výkovty komandasyna qaıta qosty. Biraq Stefanony WTA qyzmetinen shettetip tastady.
Bıylǵy Aýstralııa ashyq chempıonatynyń tórtinshi aınalymyna deıin jetken qazaqstandyq tennısshi aldaǵy ýaqytta Ábý-Dabı, Doha jáne Dýbaı týrnırlerine qatysatynyn málimdedi.
Eske sala keteıik, budan buryn Goran Ivanıshevıch Elena Rybakınanyń bapkeri bolǵanyn jazǵan edik.
Rybakına komandasyna burynǵy bapkeri Stefano Výkovty qaıta qosty.
Aýstralııa chempıonatynda Elena Rybakına shırek fınaldan tys qaldy.