Elena Rybakına bapkerimen nege qoshtasqanyn aıtyp berdi

ASTANA. KAZINFORM – Qazaqstannyń birinshi, álemniń 4-raketkasy Elena Rybakına óziniń bapkeri bolǵan horvatııalyq maman Stefano Výkovpen nelikten baılanysyn úzgeni týraly aıtty.

AQSh ashyq chempıonatynda aýstralııalyq Destanı Aıavany jeńgennen keıin baspasóz máslıhatynda qazaqstandyq tennısshi jýrnalıster suraǵyna jaýap berdi.

«Árıne, qazir bári basqasha. Biz onymen (Stefano Výkovpen) birge 5 jyl jumys istedik. Bul joly meni ıÝrıı Şýkın qoldady. Biz taktıka, bárin talqylap, matchqa daıyn boldyq. US Open aldyndaǵy mańyzdy sheshim deısiz be? Men bul týraly kóp aıtqym kelmeıdi. Qosh aıtysý týraly bul – bizdiń sheshimimiz. Meniń bapkerime baılanysty jaǵdaı ózgeretin bolsa, habar beremin», - dedi Rybakına.

Elenany qazirgi kezde ýaqytsha qazaqstandyq maman ıÝrıı Şýkın jattyqtyrýda. Ol D.Aıavamen oıyn kezinde minbede otyrdy. 

Rybakına ekinshi aınalymda álemniń 143-raketkasy, 27 jastaǵy frantsııalyq Djessıka Ponshemen kezdesedi.

Bıylǵy AQSh chempıonaty tennıs tarıhyndaǵy júlde qory eń qomaqty jarys bolmaq. Oıynshylar 75 mln AQSh dollary kóleminde tabys tabady, bul ótken jylǵydan 15 paıyzǵa kóp.

2023 jyly munda áıelder arasynda amerıkalyq Korı Gaýff úzdik shyqqan edi. 

Eske sala keteıik, budan buryn Elena Rybakınanyń bapkerimen qosh aıtysqanyn jazǵan bolatynbyz.

Elena Rybakına AQSh ashyq chempıonatynda ekinshi aınalymǵa ótti.

ıÝlııa Pýtıntseva Monterreı chempıonyn jeńdi.