Elena Rybakına bapkerimen qosh aıtysty
ASTANA. KAZINFORM — Qazaqstannyń birinshi, álemniń 4-raketkasy Elena Rybakına horvatııalyq bapker Stefano Výkovpen qarym-qatynasyn toqtatqanyn málimdedi.
Qazaqstandyq tennısshi bul týraly áleýmettik jelidegi paraqshasynda jazdy.
«Bes jylǵa sozylǵan jemisti qarym-qatynastan keıin biz endi birge jumys istemeımiz. Men onyń korttaǵy jumysyna rızamyn jáne bolashaqta oǵan barlyq jaqsylyqty tileımin. Qoldaýlaryńyz úshin bárińizge alǵys aıtamyn», dedi Rybakına.
E.Rybakına AQSh ashyq chempıonatynyń alǵashqy aınalymynda dúnıejúzilik reıtıngide 180-orynda turǵan aýstralııalyq Destanı Aııavamen oınaıdy.
Eske sala keteıik, budan buryn US Open týrnırinde qazaqstandyq tennısshilerdiń qarsylastary anyqtalǵanyn jazǵan bolatynbyz.
Sondaı-aq Tımofeı Skatov AQSh ashyq chempıonatyna joldama aldy.
T.Skatov birinshi aınalymda álemniń 7-raketkasy, Polsha ókili Hýbert Hýrkachpen sheberlik baıqasady.
