Elena Rybakına áıelder tennısi tarıhynda rekordtyq tabysqa qol jetkizdi
ASTANA. KAZINFORM — WTA qorytyndy týrnırinde jeńimpaz atanǵan qazaqstandyq tennısshi, álemniń 6-raketkasy Elena Rybakınanyń rekordtyq kólemde tabys tapqany belgili boldy.
Jarys barysynda barlyq bes kezdesýinde qarsylastaryn utqan qazaqstandyq sportshy 5,2 mln AQSh dollaryna ıe boldy. Buǵan deıingi úzdik nátıje álemniń 1-raketkasy, belorýssııalyq Arına Sobolenkoǵa tıesili edi. Ol bıylǵy AQSh ashyq chempıonatynda 5 mln dollar tabys tapqan bolatyn.
Jyldyń qorytyndy týrnırinde fınalǵa deıin jetip, E.Rybakınadan utylǵan A.Sobolenko 2,6 mln dollar alady. Elena Rybakınanyń sporttyq jolynda tapqan tabysy 24 mln, A.Sobolenkonyń kórsetkishi 44 mln dollardan asady. Qazaqstandyq tennısshi Er-Rııadtaǵy tarıhı tıtýlynan keıin jankúıerlerine sálem joldady.
- Barlyǵyńyzǵa sálem! Qoldaýlaryńyz úshin myń alǵys. Bul tamasha apta boldy. Men óte baqyttymyn! Osynda kelip, meni qoldaǵandaryńyz úshin taǵy da raqmet aıtamyn, - dedi Rybakına.
Eske sala keteıik, budan buryn Rybakınanyń WTA qorytyndy týrnırin utqan alǵashqy azııalyq tennısshi atanǵanyn jazǵan edik.
Sondaı-aq Qasym-Jomart Toqaev tennısshi Elena Rybakınany jeńisimen quttyqtady.
Novak Djokovıch jyldyń qorytyndy týrnırinde oınaýdan bas tartty.