Elena Rybakına Aýstralııa ashyq chempıonatynyń jeńimpazy atandy

ASTANA. KAZINFORM – Qazaqstannyń birinshi raketkasy Elena Rybakına Aýstralııa ashyq chempıonatynda top jardy.

Qazaqstandyq tennısshi sońǵy básekede álemniń 1-raketkasy, «Úlken dýlyǵa» týrnıriniń tórt dúrkin chempıony, Belarýs ókili Arına Sobolenkomen chempıondyq ataqty sarapqa saldy.

Qarsylastar osyǵan deıin 14 ret kezdesip, sonyń segizinde Sobolenko jeńgen edi. Sonyń ishinde belorýssııalyq tennısshi 2023 jyly Aýstralııa birinshiliginiń fınalynda E.Rybakınany qapy qaldyrǵan edi. Degenmen qazaqstandyq sportshy ótken jyly WTA qorytyndy týrnırinde A.Sobolenkony utyp, sonda jeńimpaz atanǵan bolatyn.

Bul joly E.Rybakına matchty sátti bastady - 2:0. Birinshi sette osy breık jetkilikti boldy - 6:4.

Ekinshi partııany Sobolenko breıkpen túıindedi - 6:4.

Úshinshi, sheshýshi sette Sobolenko 3:0 esebimen alǵa ketti. Budan keıin Rybakına qatarynan bes geımdi aldy - 5:3. Sosyn matchqa dop bergende, múmkindigin jibergen joq - 6:4.

Eki saǵat 19 mınýtqa sozylǵan tartysty básede Elena 6 eıspen birge 6 breık-poınttyń teń jartysyn óz esebine jazdy. Arına 5 eıs, 2 breıkpen (8 breık-poınt) kózge tústi.

Osylaısha, Elena Rybakına sporttyq jolynda ekinshi ret «Úlken dýlyǵa» týrnıriniń chempıony atandy. Ol budan tórt jyl buryn Ýımbldonda úzdik shyqqan edi.

Taǵy bir qazaqstandyq, 17 jastaǵy Zańǵar Nurlanuly jasóspirimder arasynda fınalǵa shyǵa almady. Ol jartylaı fınalda amerıkalyq Kıton Hansqa jol berdi – 3:6, 2:6.

Eske sala keteıik, budan buryn Zańǵar Nurlanulynyń Aýstralııa chempıonatynda alǵash ret jartylaı fınalǵa shyqqanyn jazǵan edik.

Novak Djokovıch Aýstralııa chempıonatynyń eń jasy úlken fınalısi atandy.

Anna Danılına fınalda ese jiberdi.