Elena Rybakına Aýstralııa ashyq chempıonatyna qatysý úshin Melbýrnǵa keldi

Qazaqstannyń birinshi, álemniń 3-raketkasy Elena Rybakına Aýstralııa ashyq chempıonatyna qatysý úshin Melbýrnǵa keldi, dep habarlaıdy Kazinform.

Jańa jyl bastalǵannan beri Brısben WTA 500 týrnırinde jeńimpaz atanyp, Adelaıdede dál osyndaı jarystyń shırek fınalyna deıin jetken E.Rybakına úshin bıylǵy Aýstralııa ashyq chempıonaty asa mańyzdy bolmaq.

Ótken jyly Aýstralııa birinshiliginiń fınalyna deıin jetken qazaqstandyq tennısshi eń aldymen sol týrnırde alǵan 1200 reıtıngilik upaıyn qorǵaýy kerek. Ol úshin bıyl keminde fınalǵa deıin jetýi qajet. Munyń ońaıǵa túspesi anyq. Onyń ústine Elena Rybakına alǵashqy aınalymda-aq álemniń burynǵy 1-raketkasy, chehııalyq Karolına Plıshkovamen kezdesedi.

Buǵan deıin ózara úsh oıynda da qazaqstandyq tennısshi jeńgenimen, K.Plıshkovanyń qaýqary qaıta qoımaǵany anyq.

Eske sala keteıik, budan buryn Aleksandr Nedovesovtiń Aýstralııadaǵy jarystyń fınalynan tys qalǵanyn jazǵan bolatynbyz.