Elena Rybakına Almatyda jas tennısshilermen kezdesti
ALMATY. KAZINFORM — Qazaqstannyń birinshi, álemniń 10-raketkasy Elena Rybakına Almatyda bolyp, jas tennısshilerge qýanysh syılady. Qazaqstsndyq tennısshi Gorky Tennis Park tárbıelenýshilerimen kezdesip, sheberlik saǵatyn ótkizdi.
Balalar tennısshimen til qatysyp, saýaldaryna jaýap aldy. Elena Rybakınanyń qundy keńesterin tyńdady.
Kezdesýden keıin tennısshi baspasóz máslıhatyn ótkizdi. Onda 16-21 qyrkúıekte Qytaıdyń Shenchjen qalasynda ótetin komandalyq álem chempıonaty — Bıllı Djın Kıng kýbogyna qatysatyn Qazaqstan quramasynyń múmkindikterine toqtaldy.
— Jeńis úshin barymyzdy salamyz. Bizdiń qarsylasymyz — AQSh quramasy óte myqty. Onda kim oınamasyn, bári de aldyńǵy saptaǵy oıynshylar, — dedi Rybakına.
Tennısshi sondaı-aq áleýmettik jelimen de aınalysyp, komandasymen birge You Tube kanalyn ashqanyn jetkizdi.
Ulttyq taǵamdarǵa qatysty pikirin bildirgen Elena Rybakına sáti túskende, baýyrsaqty súısine jeıtinin aıtty.
Elena Rybakına sapar barysynda Bolat Ótemuratovtyń qory qurǵan «Asyl mıras» ortalyǵynda da bolyp, jumysymen tanysty.
Eske sala keteıik, budan buryn Jibek Qulambaevanyń Qytaıdaǵy jarystyń shırek fınalyna shyqqanyn jazǵan bolatynbyz.