Elena Rybakına alǵash ret Berlın týrnıriniń shırek fınalyna ótti
BERLIN. KAZINFORM – Qazaqstannyń birinshi, álemniń 4-raketkasy Elena Rybakına Berlın (Germanııa) WTA 500 týrnıriniń shırek fınalyna shyqty.
Jarystyń 3-raketkasy bolyp tirkelgen qazaqstandyq tennısshi kógal maýsymyndaǵy bastapqy kezdesýin dúnıejúzilik reıtıngide 35-orynda turǵan reseılik Veronıka Kýdermetovamen ótkizdi. Osyǵan deıin qos qarsylas ózara 4 ret kezdesip, sonyń bárinde Rybakına basym túsken edi.
Bul joly Elena matchty qarqyndy bastady – 3:0. Esep 5:3 bolyp, setke dop bergende, óz múmkindigin paıdalana almaǵanymen, taǵy bir breık jasaı bildi – 6:4. Esesine ekinshi partııada Kýdermetova 2:0, 3:1 esebimen alǵa ketkenimen, Rybakına tarazy basyn teńestire aldy – 3:3. Sodan keıin matchty taǵy bir breıkpen túıindedi – 7:5.
Bir saǵat 34 mınýtqa sozylǵan báseke barysynda Elena 5 eıspen birge 11 breık-poınttyń tórteýin paıdalandy. Kýdermetova 1 eıs, 2 breıkten (3 breık-poınt) asa alǵan joq. Osylaısha, qazaqstandyq sportshy alǵash ret Berlın jarysynyń shırek fınalyna joldama aldy.
Elena Rybakına jartylaı fınalǵa shyǵý úshin kezinde álemdik reıtıngide kósh bastaǵan, qazirgi kezde 19-satydaǵy belorýstyq Vıktorııa Azarenkomen talasady.
Eske sala keteıik, budan buryn ıÝlııa Pýtıntsevanyń Bırmıngem týrnırin jekeleı synda da jeńispen bastaǵanyn jazǵan bolatynbyz.
