Elena Rybakına alǵash ret Álemdik tennıs lıgasynda oınaıdy
ASTANA. KAZINFORM — Qazaqstandyq tennısshi, álemniń 5-raketkasy Elena Rybakına Bangalor qalasynda (Úndistan) 17-20 jeltoqsan aralyǵynda ótetin Álemdik tennıs lıgasynda (WTL) óner kórsetedi.
India Today saıtynan alynǵan málimetke qaraǵanda, Ýımbldon chempıony E.Rybakınadan basqa atalmysh týrnırge belgili tennısshiler qatyspaqshy.
Atap aıtqanda, reseılik Danııl Medvedev, aýstralııalyq Nık Kıros, ıspanııalyq Paýla Badosa, frantsııalyqtar Gael Monfıs pen Artıýr Fıs, Polsha ókili Magda Lınett, ýkraınalyq Marta Kostıýk jáne úndistandyqtar Rohan Bopanna men Sýmıt Nagal kortqa shyǵady.
- Men Úndistandaǵy tennıs mádenıeti týraly kóp estidim. Sondyqtan WTL týrnırinde alǵash ret oınaıtynyma qýanyshtymyn. Lıganyń ótý formaty tartymdy. Óz komandammen birge kortta ár sátten lázzat alýǵa daıynmyn, - dedi E.Rybakına.
Bul bıyl WTA qorytyndy týrnırinde jeńimpaz atanǵan qazaqstandyq tennısshi úshin jyldyń sońǵy dodasy bolmaq.
Eske sala keteıik, budan buryn Aleksandr Býblıktiń rekordtyq kólemde tabys tapqanyn jazǵan edik.