Elena Rybakına álemniń birinshi raketkasy retinde arnaıy júlde aldy
Qazaqstandyq tennısshi Elena Rybakına WTA reıtınginde álemniń birinshi raketkasy atanǵannan keıin arnaıy júldege ıe boldy, dep jazdy Sports.kz.
Áıelder tennıs qaýymdastyǵy (WTA) Nıý-Iorktegi záýlim ǵımarattardyń fonynda júldemen sýretke túsken Elena Rybakınanyń fotolaryn jarııalady.
Sportshynyń qolyndaǵy júlde kúmisten jasalǵan tennıs doby túrinde oryndalǵan. Onyń betinde tennıs álemin beıneleıtin juldyzdar kartasy beınelengen.
Eske sala keteıik, Elena Rybakına US Open-2026 týrnırindegi sátti ónerinen keıin álemdik reıtıngte birinshi orynǵa kóterildi.
Belarýs tennısshisi Arına Sobolenkony basyp ozyp, reıtıng kóshin bastaý úshin Rybakınaǵa jartylaı fınalǵa shyǵýdyń ózi jetkilikti bolatyn. Alaıda qazaqstandyq tennısshi týrnırdi jeńispen aıaqtap, fınalda óziniń basty qarsylasy Arına Sobolenkony jeńdi.
