Elena Rybakına álemdik reıtıngide úzdik altylyqqa endi
ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.
Tokıo (Japonııa) WTA 500 týrnıriniń jartylaı fınalyna deıin jetip, jyldyń qorytyndy týrnırine joldama alǵan Qazaqstannyń birinshi raketkasy Elena Rybakına álemdik reıtıngide 7-den 6-orynǵa kóterildi.
Chempıondyq kestede úzdik segiz tennısshiniń qatarynan kóringen qazaqstandyq tennısshi 1-8 qarashada Er-Rııad qalasynda ótetin qorytyndy týrnırde óner kórsetedi.
Taǵy bir qazaqstandyq ıÝlııa Pýtıntseva 76-dan 75-ke aýysty.
Zarına Dııas 300-inshi, Jibek Qulambaeva 337-satyda tur.
Álemdik reıtıngide burynǵysha belorýssııalyq Arına Sobolenko kósh bastasa, Polsha ókili Iga Shventek ekinshi, amerıkalyq Korı Gaýff úshinshi orynda.
Juptyq synda Tokıo jarysynyń fınalynda oınaǵan Anna Danılına 13-ornyn saqtasa, ıÝ.Pýtıntseva 103-ten 104-ke, J.Qulambaeva 131-den 134-ke tómendedi.
Eske sala keteıik, budan buryn Anna Danılınanyń Tokıo týrnıriniń fınalynda ese jibergenin jazǵan edik.