Elena Rybakına álemdik reıtıngide tórtinshi ornyn saqtap qaldy

ASTANA. KAZINFORM – Áıelder tennısi qaýymdastyǵy (WTA) jańartylǵan reıtıngini jarııa etti.

Álemdik reıtıngide úzdik tórttikte eshqandaı ózgeris bolǵan joq.

Polsha ókili Iga Shventek burynǵysha kósh bastasa, belorýssııalyq Arına Sobolenko ekinshi, amerıkalyq Korııa Gaýff úshinshi, qazaqstandyq Elena Rybakına tórtinshi orynda tur. 
Ótken aptada E.Rybakına Dýbaı WTA 1000 týrnıriniń shırek fınaly aldynda densaýlyǵyna baılanysty matchqa qatysýdan bas tartqan edi.

Kúni búgin K.Gaýftyń enshisinde 6 975 upaı bolsa, qazaqstandyq tennısshi (6 848 upaı) ony ókshelep keledi.

Sońǵy kezde sáttilik joldas bolmaı júrgen taǵy bir qazaqstandyq ıÝlııa Pýtıntseva 77-den 80-ge, Jibek Qulambaeva 491-den 493-ke syrǵydy.

Juptyq synda belgııalyq Elıze Mertens, taıbeılik Se Shýveı, aýstralııalyq Storm Hanter alda tur.

Qazaqstannyń juptyq syndaǵy birinshi raketkasy Anna Danılına 47-den 44-ke kóterilse, J.Qulambaeva 143-te qaldy. ıÝ.Pýtıntseva 356-dan 357-ge, kópten beri juptyq synda oınamaı júrgen E.Rybakına 363-ten 517-ge tómendedi.

Sportshylardyń óz kórsetkishterin jaqsartýy nemese quldyraýy aldaǵy jarystarda qalaı óner kórsetýine baılanysty bolmaq.

Eske sala keteıik, budan buryn Dmıtrıı Popkonyń AQSh-taǵy taǵy bir týrnırdiń jeńimpazy atanǵanyn jazǵan bolatynbyz.