Elena Rybakına álemdik reıtıngide Sobolenkoǵa jaqyndaı tústi
ASTANA. KAZINFORM — Rım (Italııa) WTA 1000 týrnıriniń úshinshi aınalymynda kútpegen nátıjeler tirkeldi.
Álemniń 1-raketkasy, Belarýs ókili Arına Sobolenko 1/16 fınalda reıtıngide 27-oryndaǵy rýmynııalyq, 36 jastaǵy Sorana Kyrstıadan jeńilip qaldy – 6:2, 3:6, 5:7.
Osylaısha, ótken jyly shırek fınalǵa deıin jetken Sobolenko 150 reıtıngilik upaıynan aıyryldy.
Qazirgi kezde WTA Live reıtıngisinde A.Sobolenkonyń enshisinde 9 960 upaı bar.
Ekinshi oryndaǵy E.Rybakına 8 555 upaımen jaqyndaı tústi. Qazaqstandyq tennısshi aldaǵy oıyndaryn sátti ótkizse, kórsetkishin odan saıyn jaqsarta alady.
Elena Rybakına jeksenbi kúni álemniń 42-raketkasy, fılıppındik Aleksandra Ealamen oınaıdy.
Odan ótse, álemniń 46-raketkasy, germanııalyq Laýra Zıgemýnd nemese reıtıngide 130-satydaǵy chehııalyq Karolına Plıshkovanyń qaı jeńgenimen kezdesedi.
Ótken jyly E.Rybakına úshinshi aınalymnan asa almaǵan edi.
Taǵy bir kútpegen nátıje álemniń 8-raketkasy, ótken jylǵy chempıon, ıtalııalyq Jasmın Paolını men reıtıngide 22-oryndaǵy belgııalyq Elıse Mertenstiń arasynda tirkeldi. Bul tartysty básekede belgııalyq sportshy 4:6, 7:6 (7:5), 6:3 esebimen jeńiske jetti.
Sóıtip ótken jylǵy chempıondyq ataǵyn qorǵaı almaǵan J.Paolını úzdik ondyqtan shyǵyp qaldy.
Eske sala keteıik, budan buryn Rım masters týrnırinde Aleksandr Býblıktiń qarsylasyn bet qaratpaı utqanyn jazǵan edik.
Sondaı-aq Elena Rybakına Rım týrnıriniń úshinshi aınalymyna ótti.
