Elena Rybakına álemdik reıtıngide kóshbasshylyq ornyn saqtap qaldy
ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.
Qazaqstandyq tennısshi Elena Rybakına jekeleı synda 9 696 upaımen burynǵysha kósh bastap keledi.
Belarýs ókili Arına Sobolenko (7 550 upaı) ekinshi satyda.
Beıjiń WTA 1000 týrnıriniń fınalyna deıin jetken reseılik Mırra Andreeva 6 371 upaımen sporttyq jolynda alǵash ret úshinshi orynǵa kóterildi.
Beıjińde úzdik atanǵan qytaılyq Chjen Tsınven birden 31 satyny artqa tastap, 23-orynǵa jaıǵasty.
Taǵy bir qazaqstandyq ıÝlııa Pýtıntseva 82-den 79-ǵa aýysty.
Juptyq synda Qazaqstannyń birinshi raketkasy Anna Danılına 6-dan 7-ge tómendese, Jibek Qulambaeva 108-den 101-ge joǵarylady.
E.Rybakına WTA chempıondyq kestesinde de 7 502 upaımen birinshi orynda tur. A.Sobolenko (6 550 upaı) ekinshi satyǵa turaqtasa, M.Andreeva (6 371 upaı) úzdik úshtikke kirdi.
ıÝ.Pýtıntseva 59-dan 60-qa yǵysty.
E.Rybakınanyń jaraqatyna baılanysty 12-18 qazan aralyǵynda ótip jatqan Ýhan (Qytaı) WTA 1000 týrnırine qatysýdan bas tartqany belgili. Al irikteý saıysyn sátti támamdap, negizgi jarysqa joldama alǵan ıÝ.Pýtıntseva alǵashqy aınalymda álemniń 58-raketkasy, túrkııalyq Zeınep Senmezben kezdesedi.
Eske sala keteıik, budan buryn ıÝlııa Pýtıntsevanyń Qytaıdaǵy týrnırde negizgi kezeńge ótkenin jazǵan edik.
Shanhaı masters týrnırinde Aleksandr Býblık qarsylasyn kambekpen jeńdi.
