Elena Rybakına álemdik reıtıngide kóshbasshylyq ornyn nyǵaıta tústi
ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıng nátıjelerin jarııalady.
Qytaıdaǵy Nınbo WTA 500 týrnırinde chempıondyq ataǵyn qorǵaǵan Elena Rybakına jekeleı synda 9 501 upaımen kóshbasshylyq ornyn nyǵaıtty.
Belarýs ókili Arına Sobolenko (7 550 upaı) ekinshi orynda qalsa, reseılik Mırra Andreeva (6 306) úzdik úshtikti túıindep tur.
Alǵashqy ondyqtaǵy polıak Iga Shventek chehııalyq Lında Noskovany yǵystyryp, 9-dan 8-satyǵa aýysty.
Nınboda fınalǵa deıin jetken kanadalyq Leıla Fernandes 30-dan 23-ke shyqty.
Taǵy bir qazaqstandyq ıÝlııa Pýtıntseva 66-dan 67-ge syrǵydy.
Juptyq synda Qazaqstannyń birinshi raketkasy Anna Danılına 7-orynda qalsa, Jibek Qulambaeva 104-ten 102-ge joǵarylady.
Kásibı tennısshiler qaýymdastyǵynyń (ATP) jarııa etken reıtıngide Qazaqstannyń birinshi raketkasy Aleksandr Býblık 19-dan 20-ǵa syrǵydy. Aleksandr Shevchenko 109-ynshy, Tımofeı Skatov 200-orynda tur.
Eske sala keteıik, budan buryn Elena Rybakınanyń Qytaıdaǵy týrnırdiń eki dúrkin chempıony atanǵanyn jazǵan edik.
Sondaı-aq Almatyda ATP 250 týrnıriniń jeńimpazdary anyqtaldy.
Rybakına men Pýtıntsevanyń Tokıo týrnırinde joldary toqaılasýy múmkin ekendigi jazyldy.
