Elena Rybakına álemdik reıtıngide besinshi orynǵa túsip qaldy

ASTANA. KAZINFORM – Áıelder tennısi qaýymdastyǵy (WTA) jańartylǵan reıtıngini jarııa etti.

Aýstralııa ashyq chempıonatynan keıin álemdik reıtıngide birshama ózgeris boldy. Polsha ókili Iga Shventek burynǵysha kósh bastasa, Aýstralııada chempıon atanǵan belorýssııalyq Arına Sobolenko ekinshi ornyn saqtap qaldy.

Ekinshi aınalymda reseılik Anna Blınkovaǵa ese jiberip, ótken jylǵy upaılaryn qorǵaı almaǵan qazaqstandyq Elena Rybakına 3-ten 5-ke syrǵydy. Atalmysh dodada jartylaı fınalǵa deıin jetken amerıkalyq Korı Gaýff úzdik úshtikke ilikti.

Taǵy bir qazaqstandyq ıÝlııa Pýtıntseva 64-ten 70-orynǵa tómendedi.

Juptyq synda belgııalyq Elıze Mertens kósh basyna shyqsa, odan keıin taıbeılik Se Shýveı, álemniń burynǵy 1-raketkasy, aýstralııalyq Storm Hanter keledi.

Qazaqstandyq Anna Danılına 44-satyda qalsa, Jibek Qulambaeva 141-den 142-ge, Pýtıntseva 351-den 354-ke syrǵysa, Rybakına 192-den birden 361-ge quldyrady.

Eske sala keteıik, budan buryn Aýstralııa chempıonatynda 22 jastaǵy ıtalııalyq tennısshiniń jeńimpaz atanǵanyn jazǵan edik.