Elena Rybakına álemdik reıtıngide 7-orynǵa kóterildi

ASTANA. KAZINFORM — Áıelder tennısi qaýymdastyǵy (WTA) jańartylǵan reıtıngini jarııa etti. 

Keshe Nınbo (Qytaı) WTA 500 týrnırinde chempıon atanǵan Qazaqstannyń birinshi raketkasy Elena Rybakına 10-nan 7-orynǵa kóterildi.

Taǵy bir qazaqstandyq ıÝlııa Pýtıntseva 69-dan 76-ǵa tómendedi.

Anna Danılına juptyq synda 13-ornyn saqtap qaldy.

Elena Rybakına WTA chempıondyq kestesinde burynǵysha 9-satyda tur.

Qazaqstandyq tennısshi qarashada Er-Rııad qalasynda ótetin jyldyń qorytyndy týrnırine qatysý úshin úzdik segizdikke iligýi qajet. Bul úshin Tokıo (Japonııa) WTA 500 týrnırinde aldaǵy eki matchynda jeńse, jetip jatyr. Sonda 8-oryndaǵy reseılik Mırra Andreevany basyp ozady. Mırra Andreeva osy aptadaǵy jarystarǵa qatyspaıdy.

Eske sala keteıik, budan buryn Elena Rybakınanyń Qytaıdaǵy týrnırde úzdik shyqqanyn jazǵan bolatynbyz.