Elena Rybakına álemdik reıtıngide 10-orynǵa túsip qaldy

ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.

AQSh-taǵy Maıamı WTA 1000 týrnıriniń ekinshi aınalymynda-aq 20 jastaǵy amerıkalyq Eshlın Krıýgerden utylyp qalǵan Qazaqstannyń birinshi raketkasy Elena Rybakına 8-den 10-orynǵa tómendedi.

Atalǵan jarysta buǵan deıin E.Rybakına qatarynan eki jyl fınalǵa deıin jetken edi. Bıyl sol tabysyn qaıtalaı almaı, reıtıngilik upaıynan aıyryldy. 

Qazaqstandyq tennısshi álemdik reıtıngide budan keıin de tómen túsýi múmkin. Óıtkeni ol sáýir aıynda Qazaqstan quramasy sapynda óner kórsetýine baılanysty ótken jyly ózi chempıon atanǵan Shtýtgart WTA 500 týrnırine qatyspaıdy.

Maıamıde ozyq shyqqan álemniń 1-raketkasy, Belarýs ókili Arına Sobolenko burynǵysha aldyna jan salar emes. Polıak qyzy Iga Shventek ekinshi, amerıkalyqtar Korı Gaýff úshinshi, Maıamı dodasynyń fınalısi Djessıka Pegýla tórtinshi satyda.

Taǵy bir qazaqstandyq ıÝlııa Pýtıntseva 24-ten 23-ke aýysty. Osy aptada Charlston (AQSh) WTA 500 týrnırinde sátti óner kórsetse, ıÝ.Pýtıntseva kórsetkishin jaqsarta alady.

Juptyq synda álemde Katerjına Sınıakova (Chehııa), Teılor Taýnsend (AQSh) jáne Erın Rýtlıff (Jańa Zelandııa) alda keledi.

Qazaqstandyqtardan Anna Danılına juptyq synda 16-dan 17-ge syrǵysa, ıÝ.Pýtıntseva 76-dan 75-ke, Jibek Qulambaeva 163-ten 162-ge joǵarylady.

Eske sala keteıik, budan buryn Tımofeı Skatovtyń Býharestegi týrnırdi sátti bastaǵanyn jazǵan edik.

Sondaı-aq Dmıtrıı Popko Meksıkadaǵy týrnırdiń jeńimpazy atandy.