Elena Rybakına álemde vınnersten aldyna jan salmaı keledi

ASTANA. KAZINFORM - Qazaqstannyń birinshi, álemniń 4-raketkasy Elena Rybakına 2024 jylǵy WTA 1000 týrnırlerinde 500-den astam vınners jasaǵan birden-bir tennısshi atandy.

Qazaqstandyq tennısshiniń esebinde óziniń belsendi oıyny nátıjesinde jeńip alǵan 570 upaıy bar.

Arına Sobolenkonyń enshisinde 443, Iga Shventekte 437, Danıel Kollınzde 423, Vıktorııa Azarenkoda 335 vınners bar.

Elen Rybakına dál osyndaı jarystarda 2022 jyly 505, 2023 jyly 853 vınnerske qol jetkizgen edi.

Elena osy aptada Rım WTA 1000 dodasynda chempıondyq ataǵyn qorǵaýdy bastaıdy.

Eske sala keteıik, budan buryn Rım týrnırinde Rybakına bastaǵan tennısshilerdiń qarsylastary anyqtalǵanyn jazǵan bolatynbyz.

Sondaı-aq Jibek Qulambaeva Slovakııadaǵy jarystyń shırek fınalyna shyqty.