Elena Rybakına álemde eıs sany boıynsha úzdik atandy
ASTANA. KAZINFORM — Qazaqstannyń birinshi, álemniń 5-raketkasy Elena Rybakına 2025 jylǵy maýsymnyń qorytyndysy boıynsha eıs sany jóninen resmı túrde kósh bastady.
Áıelder tennısi qaýymdastyǵynyń (WTA) baspasóz qyzmeti Instagram áleýmettik jelisinde málim etkenindeı, E.Rybakına 2016 jyldan beri bir maýsymda eıs sanyn 500-den asyrǵan birinshi tennısshi atandy.
Qazaqstandyq sportshy bıyl barlyǵy 516 eıs jasady.
Budan buryn Elena Rybakına WTA joramaly boıynsha jyldyń úzdik oıynshysy ataǵyna úmitkerler qataryna kirgen edi. Sonymen qatar qazaqstandyq tennısshi Er-Rııadta (Saýd Arabııasy) ótken jyldyń qorytyndy týrnırinde tabys tabý jóninen tennıs tarıhynda úzdik kórsetkishke qol jetkizip, Gınnestiń rekordtar kitabyna engen bolatyn.
Eske sala keteıik, budan buryn Elena Rybakınanyń biregeı tabysymen Gınnestiń rekordtar kitabyna ekinshi ret engenin jazǵan edik.
Sondaı-aq Ámir Omarhanov kásibı jolynda alǵashqy tıtýlyna qol jetkizdi.