Elena Rybakına álem reıtınginde bir pozıtsııaǵa tómen túsip qaldy

Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngti jarııa etti, dep habarlaıdy QazAqparat tilshisi.

Qazaqstannyń úzdik tennısshisi Elena Rybakına 4-ten 5-orynǵa syrǵysa, ıÝlııa Pýtıntseva 88-den 81-ge kóterildi.

Belarýs ókili Arına Sobolenko, Polsha sportshysy Iga Shventek, amerıkalyq Korı Gaýff úzdik úshtikte tur.

Juptyq synda Anna Danılına 33-ten 32-ge joǵarylasa, E.Rybakına 112-den 115-ke tómendedi. Esesine Jibek Qulambaeva 156-dan 149-ǵa, al ıÝ.Pýtıntseva 697-den 323-ke bir shyqty.

Ótken aptada J.Qulambaeva Soltústik Makedonııadaǵy ITF týrnıriniń chempıony atansa, ıÝ.Pýtıntseva Osaka (Japonııa) WTA 250 jarysynyń fınalyna deıin jetken edi.

Juptyq synda chehııalyq Katerjına Sınıakova kósh bastasa, ony amerıkalyqtar Djessıka Pegýla men K.Gaýff ókshelep keledi.

Eske sala keteıik, budan buryn Jibek Qulambaevanyń Soltústik Makedonııadaǵy týrnırdiń chempıony atanǵanyn jazǵan bolatynbyz.
Sondaı-aq 18 jastaǵy Arýjan Saǵyndyqova Týnıstegi týrnırde jeńimpaz boldy.