Elena Rybakına AQSh-taǵy jarys qarsańynda alǵashqy jattyǵýyn ótkizdi

ASTANA. KAZINFORM — Qazaqstannyń birinshi, álemniń 4-raketkasy Elena Rybakına AQSh-ta Indıan-Ýells WTA 1000 týrnıri qarsańynda alǵashqy jattyǵýyn ótkizdi.

Indıan-Ýellste 6-17 naýryz aralyǵynda erler men áıelder arasynda ótetin atalmysh masters jarysynyń jalpy júlde qory 17,9 mln AQSh dollary bolmaq. Bul ótken jylǵydan 2,2 paıyzǵa kóp.

Týrnır jeńimpazy 1 myń reıtıngilik upaıǵa qosa 1,1 mln dollar tabys tappaq. Fınalıstiń úlesine 585 myń dollar men 650 reıtıngilik upaı tıedi.

Ótken jyly sońǵy básekede Belarýs ókili Arına Sobolenkony 7:6 (13:11), 6:4 esebimen utqan E.Rybakına chempıon atanǵan bolatyn. Bıyl Elena sol chempıondyq ataǵyn qorǵaý úshin bar kúshin salady.

Qazirgi kezde Indıan-Ýellste irikteý saıystary ótip jatyr.

Eske sala keteıik, budan buryn Aleksandr Býblıktiń alǵash ret álemniń 20-raketkasy atanǵanyn jazǵan bolatynbyz. 

👑The champ is back on the West Coast🇺🇲 @BNPPARIBASOPEN pic.twitter.com/YrO9qZKi1C

— Elena Rybakina Fan page (@ElenaRybakina2) March 4, 2024