Elena Rybakına AQSh ashyq chempıonatynda mıkste óner kórsetpeıtin boldy

Qazaqstandyq tennısshi mıkste amerıkalyq Teılor Frıtspen birge kortqa shyǵýy kerek edi.

E.Rybakınany aralas synda álemniń 3-raketkasy, amerıkalyq Djessıka Pegýla almastyrady.

Mıks jarysy Nıý-Iorkte jekeleı syndaǵy doda aldynda, 24-26 tamyzda ótedi.

Elena Rybakına Tsıntsınnatı (AQSh) WTA 1000 týrnıriniń shırek fınalynda álemniń 5-raketkasy, Polsha ókili Iga Shventekpen oıynda sol aıaǵynan jaraqat alyp, matchty jalǵastyra almaǵan edi.

Qazirgi kezde qazaqstandyq sportshynyń jaraqaty tennısshiler qaýymyn alańdatyp otyr.

Tsıntsınnatıde D.Pegýla jartylaı fınalda I.Shventekti 7:5, 4:6, 6:4 esebimen jeńip, sońǵy básekege joldama aldy. Ol fınalda álemniń 4-raketkasy, otandasy Korı Gaýfpen chempıondyq ataqty sarapqa salady. K.Gaýff jartylaı fınalda reıtıngide 35-oryndaǵy chehııalyq, 20 jastaǵy Sara Beılekti tize búktirdi – 6:4, 6:1.

Eske sala keteıik, budan buryn Tsıntsınnatı týrnırinde jaraqat alǵan Elena Rybakınanyń jartylaı fınaldan tys qalǵanyn jazǵan edik.