Elena Rybakına AQSh ashyq chempıonatyn sátti bastady
ASTANA. KAZINFORM – Qazaqstannyń birinshi, álemniń 2-raketkasy Elena Rybakına AQSh ashyq chempıonatynyń ekinshi aınalymyna shyqty.
Qazaqstandyq tennısshi bastapqy matchyn reıtıngide 585-oryndaǵy amerıkalyq, «Úlken dýlyǵa» týrnırine alǵash ret qatysqan 17 jastaǵy Tea Frodınmen ótkizdi.
Bul qos sportshynyń ózara alǵashqy kezdesýi edi.
Birinshi partııada esep 3:2 bolǵan mezette Rybakına breık jasap, sol qarqynyn saqtaı aldy – 6:3.
Ekinshi sette Elena 2:0 esebimen alǵa ketti. Sodan keıin taǵy bir breıkpen esepti 5:1-ge jetkizdi. Aqyry matchty jeńispen túıindedi – 6:2.
Bir saǵat 11 mınýtqa sozylǵan básekede Rybakına 6 eıspen birge 6 breık-poınttyń úsheýin óz esebine jazdy. Frodın 11 eıs jasaǵanymen, 2 breık-poıntty paıdalana almady.
Elena Rybakına úshinshi aınalymǵa shyǵý úshin álemniń 105-raketkasy, ıspanııalyq Djessıka Býzas Maneıro nemese reıtıngide 75-satydaǵy chehııalyq Darıa Vıdmanovanyń jeńgenimen talasady.
Qazaqstandyq tennısshi oıynnan soń álemdik reıtıngide kósh bastaýǵa qol jetkizse, bul úlken tabys bolatynyn málimdedi.
E.Rybakına AQSh ashyq chempıonatynda jartylaı fınalǵa deıin jetse, birinshi raketka atanady.
Eske sala keteıik, budan buryn Elena Rybakınanyń WTA Live reıtınginde kósh bastaǵanyn jazǵan edik.
